Junior Achievement of Albania implementoi tre aktivitete kryesore të iniciativës INNOVET 2.0 , një bashkëpunim i ne partneritet me Shkollën e Mesme Teknike Korçë, i krijuar për të ndihmuar nxënësit e kthyer nga migrimi të gjejnë vendin, zërin dhe rrugën e tyre përpara.

25 Mars 2026 — Së pari, Dëgjojmë: Konsultim me Stafin e Shkollës
Përpara se të ndërtonim zgjidhje, JAA u ul me ata që i njohin më mirë këta nxënës. Drejtuesit e shkollës, mësuesit dhe stafi u bashkuan në një dialog të hapur për të përafruar vizionin e projektit dhe për të krijuar së bashku një sistem mbështetjeje me ndikim real.

Gjatë këtij viti, Kampet e Financës, Ditët e Inovacionit dhe Ditët e Karrierës përfshinë rreth 300 nxënës të arsimit parauniversitar (K–9) në disa qytete të vendit.

Përmes këtyre aktiviteteve, nxënësit patën mundësinë të zhvillonin njohuri dhe aftësi praktike në fushën e edukimit financiar, sipërmarrjes, inovacionit dhe planifikimit të karrierës. Duke marrë pjesë në lojëra edukative, sfida dhe ushtrime praktike, ata mësuan se si të menaxhojnë paratë, të punojnë në grup, të zhvillojnë ide inovative dhe të marrin vendime të informuara.