Në prill, Programi Debating Economics bashkoi rreth 150 studentë universitarë dhe facilitatorë nga 12 universitete të ndryshme, të cilët u trajnuan për të zhvilluar mendësinë sipërmarrëse dhe aftësi të buta thelbësore. Gjithashtu, rreth 30 studentë të rinj u trajnuan si gjykatës debati nëpërmjet sesioneve ToT, duke forcuar edhe më tej kapacitetet e programit.

Gjithnjë në prill, Panairi Rajonal u zhvillua në dy data të ndryshme dhe mblodhi mbi 500 nxënës nga rajone të ndryshme të Shqipërisë, duke krijuar një platformë të gjallë për mësimin praktik dhe shkëmbimin e ideve. Nxënësit patën mundësinë të prezantonin projektet dhe idetë e tyre sipërmarrëse para një publiku më të gjerë, duke vënë në praktikë çdo gjë që kishin mësuar gjatë procesit.

Ky aktivitet mishëron mësimin përmes përvojës, duke i lidhur nxënësit me botën reale dhe duke i përgatitur ata për tregun e punës. Junior Achievement Albania vazhdon të mbështesë brezin e ri në zhvillimin e mendësisë sipërmarrëse dhe të aftësive të buta që do t'u shërbejnë gjatë gjithë jetës.