Zhvillojmë kapacitetet e Kompanive te Nxënësve

117 drejtues të 70 Kompanive të Nxënësve të ngritura si pjesë e programit të JAA përmes trajnimeve të realizuara në periudhën Shkurt-Mars 2023 zhvilluan më tej njohuritë dhe aftësitë e tyre mbi dy komponentë të rëndësishëm të këtij programi: Raporti i Kompanisë dhe Prezantimi e Komunikimi në Publik.

Seancat e trajnimeve ishin interaktive dhe praktike dhe u dhanë mundësi drejtuesve të Kompanive të merrnin njohuri të reja, të zhvillonin e praktikonin aftësitë e tyre përmes një sërë aktivitetesh dhe ushtrimesh, të shkëmbenin me Kompanitë e tjera eksperiencat dhe sfidat me aplikimin e këtij Programi.

Suksesi i trajnimeve u dëshmua nga reagimet pozitive të pjesëmarrësve. Shumë prej tyre raportuan se ndiheshin më të sigurt në aftësinë e tyre për të komunikuar dhe prezantuar idetë e tyre në mënyrë efektive, si dhe do të reflektojnë njohuritë e aftësitë e zhvilluara në avancimin e tyre në fazat pasuese të Programit të “Kompanisë së Nxënësve”.

Trajnimi i tretë për klubet e debatit në universitete

140 studentë  nga klubet e debatit të 8 Fakulteteve dhe Universiteteve në të gjithë Shqipërinë morën pjesë në sesionin e tretë të trajnimit të fokusuar në "Të folurit në publik dhe aftësitë e komunikimit" si pjesë e programit "Debating Economics" nga Junior Achievement of Albania.

Gjatë trajnimit, pjesëmarrësit mësuan për teknikat efektive të komunikimit në debat, duke përfshirë mënyrën se si të strukturojnë një argument bindës, të flasin në mënyrë të sigurt dhe të qartë dhe të angazhohen me audiencën e tyre.

Pas përfundimit të sesionit të tretë të trajnimit, studentët do të hyjnë në një fazë përgatitore në të cilën do të pajisen plotësisht për të marrë pjesë në konkursin kombëtar të debatit mes universiteteve.

Fuqizimi i mësuesve për të përmirësuar teknikat e mësimdhënies: Trajnim i akredituar për Vlerësimin e nxënësve dhe Menaxhimin e Klasës

Gjatë muajit mars 237 mësuesmorën pjesë në një sëri trajnimesh të akredituara të fokusuara në vlerësimin enxënësve dhe menaxhimin e klasës. Të udhëhequr nga profesionistë me përvojë,trajnimet ofruan strategji dhe mjete praktike për përmirësimin e rezultateve tëtë nxënit të nxënësve dhe krijimin e mjediseve pozitive në klasë.

Pjesëmarrësit mu njohën me metoda të ndryshme vlerësimi dhe eksploruan qasje të ndryshme përmenaxhimin e klasës, duke përfshirë ndërtimin e marrëdhënieve pozitive me nxënësitdhe trajtimin e sjelljeve sfiduese. Trajnimet interaktive dhe tërheqëse morënreagime pozitive, me pjesëmarrësit që fituan njohuri dhe strategji të reja përt'i aplikuar në klasat e tyre.

Investimi në zhvillimin profesional të mësuesvejo vetëm që përmirëson cilësinë e arsimit, por gjithashtu mbështet mësimin dhesuksesin e nxënësve.

"Debating Economics": Debati Rajonal HS i parë

Debati i parë Rajonal i shkollave të mesme për këtë vit u zhvillua në Tiranë më 1 Prill si pjesë e programit Debating Economics nga Junior Achievement of Albania.

Gjithsej 18 shkolla të mesme nga rajoni morën pjesë në aktivitet, me rreth 54 nxënës, të cilët debatuan me njëri-tjetrin në tre sesione debati. Pjesëmarrësit përfaqësonin klubet e debatit të shkollave të tyre nga qytetet e Tiranës, Kavajës, Shijakut, Dibrës, Kuçovës, Lezhës, Fierit, Përmetit, Korçës dhe Kukësit.Seancat e debatit ishin intensive, me studentët që shfaqën aftësitë e tyre kërkimore dhe aftësitë e të folurit në publik.

Gjyqtarët vlerësuan studentët në bazë të argumenteve, punës në grup dhe ofrimit të tyre.Debati Rajonal kishte për qëllim promovimin dhe rritjen e kapaciteteve debatuese të pjesëmarrësve në klubet debatuese të shkollave të mesme si pjesë e Programit "Debating Economics" të  JAA.

Gjatë aktivitetit nxënësit patën mundësinë të zbatojnë në praktikë të gjitha aftësitë e fituara gjatë trajnimeve dhe seancave debatuese brenda klubit të tyre me bashkëmoshatarët e shkollave të tjera. Pas debatit rajonal do të renditen klubet e debatit për të identifikuar ekipet e kualifikuara që do të kalojnë në Konkursin Kombëtar të Debatit.

Sesion Informimi i Programit Junior UP 2.0

Junior Up është i lumtur të shpallë thirrjen e  hapur për grupin e dytë të sipërmarrësve!JUP 2.0 është Programi i Inkubimit të Junior Achievement of Albania. Pas një grupi të parë të suksesshëm sipërmarrësish me të ideve të ndryshme dhe kreative startup-esh, ne ridizajnuam JUP-in dhe ai është gati të nisë me:

1. Ekspertë të nivelit të lartë që ofrojnë workshop-e plot njohuri dhe këshillim me cilësi të lartë për startup-et tona,
2. Mundësitë e ekspozimit ndërkombëtar të startup-eve me performancën më të mirë (Gen-e 2023, Pirates Summit 2023, etj).
3. Mundësia për të prezantuar potencialin e startup-it të tyre përpara një jurie Investorësh Engjëj.

Për të eksploruar në detaje se si funksionon Programi së bashku me afatet dhe momentet kyçe, ju ftojmë të jeni pjesë e sesionit tonë të hapur informuesnë Protik në datën 27 Mars, ora 18:00. Ju do të keni mundësinë t'i bëni pyetjet tuaja ekipit menaxhues të Programit si dhe startup-eve më të mira të grupit të parë të sipërmarrësvePor nëse keni identifikuar një problem dhe një zgjidhje që përfshin teknologjinë, së bashku me ekipin tuaj, mos ngurroni të aplikoni KËTU!Ju presim me padurim ne 27 Mars ne Protik!